Damos la bienvenida a la Comunidá Enerxética Asoleyar del barriu de Santa Bárbara en Xixón, como entidá y primer comunidá enerxética socia d'Astuenerxía.
Asoleyar ye una asociación ensin ánimu de lucru con tres fines: el primeru'l social, esto ye, facer barriu al traviés de la figura d'una comunidá enerxética. En segundu llugar, ser propietarios y xestores d'una parte d'esa enerxía y, pa acabar, el componente social añadíu, yá qu'una parte de la lletricidá que se produza va repartise con families del barriu que tean sufriendo probeza enerxética.
La nacencia de la comunidá enerxética Asoleyar marca un afitamiento na hestoria del barriu de Santa Bárbara que les sos 202 viviendes se construyeron en 1955 pa dar agospiu a los trabayadores de l'antigua Fábrica de Moreda. Los sos vecinos forxaron llazos d'hermandá compartiendo trabayu y vida nel barriu de Santa Bárbara.
Al asociase a la cooperativa Astuenerxía, la Comunidá Enerxética Asoleyar empodérase más al convertise en copropietaria de la comercialización de la enerxía anovable, puede esfrutar de los servicios qu'ufre la cooperativa a les sos persones socies, y afitar la soberanía y democratización enerxética de la mano del cooperativismu enerxéticu.