Qué faemos

Collaboramos coles administraciones llocales na adopción d'enerxíes anovables

astuenerxía lleva yá un tiempu realizando una campaña de comunicación qu’algama a diversos conceyos d’Asturies, nesta campaña pretendemos informar a los conceyos de los encamientos del IDAE sobro l’importante papel que tienen nel fomentu de les instalaciones de autoproducción.

En munchos conceyos d’Asturies los trámites municipales pa instalaciones Fotovoltaicas nun tán nada claros, siendo frecuente allegar a los departamentos d’urbanismu onde se tramiten les llicencies y atopase con que naide sabe que ye lo que se #riquir pa cursar la llicencia y n’otros casos los requerimientos nun se correspuenden n’absolutu colos encamientos del IDAE.

Na nuesa biblioteca puedes atopar un documentu basáu na “Guía profesional de tramitación del autoconsumo" editada por esti organismu gubernamental en payares de 2019. Si queréis collaborar cola cooperativa y presentar nel vuesu conceyu’l documentu podéis solicitalo a les compañeres de autoconsumo.

Dellos conceyos bonifiquen nel IBI les instalaciones fotovoltaicas llegando dalgunos al 50%.

Talleres y charres

astuenerxía tamién atiende solicitúes para la realización d’actividaes d’espardimientu presenciales allegando a congresos, feries, talleres y charres sobro la enerxía individual y cooperativo tratando temes como:

• Esplicar los conceutos qu’apaecen la factura de la eletricidá.
• Enseñar cómo aportar a los datos del mio contador dixital intelixente.
• Esponer qué hai detrás de les nueves tarifes de la eletricidá y como amenorgar el costu.
• Esplicar el Sistema Eléctricu Español y los sos distintos axentes.
• Revelar les principales fontes d’información sobro’l Sistema Eléctricu Español.
• Esclariar cómo s’apuerta al autoconsumo y a les ayudes.
• Esplicar l’impactu del nuesu consumu enerxéticu nel mediu ambiente y les nueses opciones.

Puedes solicitar talleres y charres en info@astuenerxia.coop o averate a cualesquier de los nuesos puntos d’información.​