Dende Astuenerxía queremos felicitar a la Fundación Edes nel so 25 aniversariu.
La Fundación Edes ye una entidá ensin ánimu de lucru formada por persones con discapacidá psíquica ya intelectual, families, profesionales y persones voluntaries que se xunen pa contribuir a que cada persona con discapacidá ameyore la so calidá de vida en pro d'una sociedá más xusta ya igualitaria.
Trabayen na zona rural del noroccidente asturianu y la mariña lucense dende 1999, ufriendo servicios especializaos y sofitos que garanticen l'exerciciu de los derechos, l'accesu a los recursos y la inclusión social de cada persona.
P'Astuenerxía ye un arguyu y un prestu tener como entidá socia a la Fundación Edes.
Pueden collaborar y ayudar a l'actividá de la fundación asociándose, faciendo una donación, siendo persona voluntaria o collaborando n'actividaes.
Más información: https://fundacionedes.org/
Programa del 25 aniversariu de la Fundación Edes.