La cooperativa Astuenerxía pon en marcha la edición de 2024 de la campaña ¡Comparte Astuenerxía con quien más quies!
Esta campaña pretende incentivar la participación de les persones socies col oxetivu de fortalecer la cooperativa y siguir creciendo pa tener más capacidá d'aición.
En dellos momentos comentastis con familiares o amigos sobre Astuenerxía; con esta campaña tenéis una bona ocasión pa regalar o animalos a dar el pasu p'asociase a la cooperativa.
Nyámonos a unes feches nes qu'esiste la tradición de facer regalos a les persones cercanes. Dende Astuenerxía proponémoste poder facer un regalu especial qu'inclúi aportar empoderamientu, soberanía enerxética, sostenibilidá, sofitar la economía llocal y llograr un bonu con valor de 50€ pa poder cambialu en dalguna de les nueses entidaes socies o llograr vatios pa la potencia d'una instalación fotovoltaica. Pueden pidinos una tarxeta bonu regalu personalizáu pa poder obsequiar.
Esta campaña quier centrase nes persones socies d'Astuenerxía cola finalidá de faceles protagonistes nel desarrollu de la cooperativa de la que son persones copropietaries y, al mesmu tiempu, facer una distribución del dividendu social de la cooperativa.
¿Cómo participar?
La duración de la campaña va ser del 17 d'avientu de 2024 al 17 de xineru de 2025.
¿En qué consiste? Trátase de que cada socia apurra a lo menos una nueva persona socia a la cooperativa. La campaña ta destinada solo pa les persones socies de la cooperativa.
Les persones socies que quieran participar na campaña ¡Comparte Astuenerxía con quien más quies! van tener que mandar un corréu electrónicu a gestion.socias@astuenerxia.coop col siguiente conteníu:
Asuntu: Campaña ¡Comparte Astuenerxía con quien más quies!
Nel conteníu del corréu, identificase col nome y apellíos de la persona socia d'Astuenerxía y mentar los nomes de les nueves persones socies acomuñaes a Astuenerxía sol so auspiciu.
En depués de comprobar que les persones socies mentaes nel corréu electrónicu ficieron de manera correuta'l procesu p'asociase a la cooperativa, vamos ponenos en contautu cola persona socia que nos mandó'l corréu pa determinar qué opción quier escoyer.
Nesta campaña queremos dar a conocer a les entidaes socies de la cooperativa que faen el so consumu enerxéticu 100% renovable apostando por un modelu sostenible, social y llocal.
Por cada persona socia nueva qu'apurra una persona socia d'Astuenerxía S. Coop. Astur. a la cooperativa, se puede escoyer ente les siguientes opciones:
Bonu Astuenerxía
Trátase d'un bonu que sirve pa adquirir productos o servicios d'entidaes socies d'Astuenerxía por valor de 50€. Pa la campaña van disponese de 15 bonos Astuenerxía.
De siguío, presentámosvos les entidaes socies rexistraes n'Astuenerxía u se puede facer usu del bonu Astuenerxía:
Escanda Asturiana SL, Librería La Llocura, La Revoltosa S. Coop. Astur., La Calabaza, La Lata de Zinc, FisioNalón SL, Deyman SL, Librería La Libre Paisaneta, Dolmen Arquitectura, Dalgia Comunicación SL, Albergue La Yalga, Riquirraque Emaús SLL, Enrique Neumann, Hotel Rural Grabelón, Kikiricoop S. Coop. Astur., Alimentación La Cuevona, Clinica Auditiva Oir, Cooperativas Agroalimentarias de Asturias, AgrecoAstur, Confiteria-Restaurante La Tevergana, Les Colmenes de Tate, Fundación Adsis, DIPAS Ingienería, Alesga C.B. VV Procuradores,Accesorios Enol, La Casa del Dobra, NOEGA SYSTEM SL, Centro de Educación Medioambiental La LLera, Sonidopolis, Restaurante Los Arándanos, Recursos Ambientales Mendroyada, Ecomateriales Ultravioleta S. Coop. Astur. Laboratorio de Ideas, Apartamento Rural El Bosque de las Viñas, La Hoja Verde, Asipo Servicios SL,Nuberu Digital, Musgo y Nordés,Plantasdeaire,Locker Gijón Centro, Ferrería Roces Belón,La Llera Huerta-Escuela,Panduru,Huerta la Figuera,La Quesería Gijón, Agrocoop Cabranes y Casiñas A Comarca.
Condiciones
- El bonu Astuenerxía va podese esfrutar en cualquiera de les entidaes socies de la llista, hasta completar la cantidá de 50€. Esto ye, se puede adquirir un productu o serviciu nuna mesma entidá socia de la llista consumiendo íntegramente el bonu Astuenerxía o se puede consumir el bonu Astuenerxía en productos o servicios de les distintes entidaes socies.
- El bonu Astuenerxía va asignase a la persona socia que mandara'l corréu electrónicu pa participar na campaña ¡Comparte Astuenerxía con quien más quies! Sicasí, tienen la posibilidá de tresferir el derechu d'esfrutar del bonu Astuenerxía a otra persona socia de la cooperativa que decidan.
- Nel casu de qu'un productu o serviciu mueva de la cantidá asignada al bonu Astuenerxía, va podese utilizar pal pagu una parte del productu o serviciu proporcional a la cantidá asignada al bonu..
- Si s'acabaren los 15 bonos Astuenerxía mientres la campaña, va informase por corréu electrónicu a toes les persones socies.
- El bonu Astuenerxía va tener validez dende'l 17/12/2024 hasta'l 15/12/2025.