El Ministeriu pa la Transición Ecolóxica y el Retu Demográficu (MITECO) espublizó les bases reguladores pal llanzamientu de 120 millones d'euros adicionales pa la creación de proyeutos singulares de comunidaes enerxétiques. Con cargu al Plan de Recuperación, Tresformación y Resiliencia (PRTR), estes nueves llinies d'incentivos enmárquense nel Programa CE Implementa –con cuatro convocatories yá resueltes que dexaron la creación de 128 comunidaes enerxétiques–, que xestiona de manera centralizada l'Institutu pa la Diversificación y Aforru de la Enerxía (IDAE), organismu adscritu al MITECO.
Eloxetivu d'estes nueves llinies CE Implementa 5 y 6 ye impulsar proyeutos multicomponente que puedan combinar distintes actuaciones. Búscase que les comunidaes enerxétiques vayan más allá del autoconsumu y puedan llevar acomuñada la climatización anovable –amóntase'l nivel d'ayuda pa estes aplicaciones–, la movilidá sostenible –introduzse'l sofitu a la bicicleta compartida– y sistemes d'almacenamientu, col oxetivu d'ameyorar la integración de les anovables.
El plazu de presentación de solicitudes pa dambes convocatories va empecipiase'l día 19 de setiembre de 2024 a les 9:00 hores y va acabar a les 12:00 hores del día 31 d'ochobre de 2024.
Dende Astuenerxía ayudámoste a crear la to comunidá enerxética al amparu de les llinies d'ayuda CE Implementa 5 y 6.
Si tienes interés en crear una comunidá enerxética col sofitu d'Astuenerxía, puedes ponese en contautu en comunidades@astuenerxia.coop