El Plan de Voluntariáu d'Astuenerxía yá ta operativu y empezóse a rexistrar a les primeres persones socies voluntaries d'Astuenerxía.
Nel rexistru de les persones voluntaries recuéyese l'actividá realizada, el tiempu dedicáu, los recursos destinaos y los posibles gastos.
Na próxima asamblea de la cooperativa va presentase l'informe sobre l'actividá del voluntariáu d'Astuenerxía y va procedese a compensar el trabayu voluntariu siguiendo lo establecío nel Plan de Voluntariáu d'Astuenerxía, que ta siendo xestionáu pola Asociación Astuenergía.
Astuenerxía funciona al 100% cola aportación del trabayu voluntariu de persones socies de la cooperativa dende los sos entamos. Dada la repercusión y trescendencia del voluntariáu na cooperativa, disponer d'un Plan de Voluntariáu d'Astuenerxía. El plan pretende xestionar l'actividá de voluntariáu de les persones socies d'Astuenerxía. Trátase de dotar a les persones socies voluntaries de les condiciones afpropiaes pa exercer la so actividá.
Si tienes interés en ser persona socia voluntaria na cooperativa Astuenerxía, namái tienes que notificar la vuesa disposición unviando un corréu electrónicu a: info@astuenerxia.coop De siguío, vamos ponese en contautu pa facilitar más información sobre'l plan de voluntariáu d'Astuenerxía o tramitar el rexistru pa ser persona socia voluntaria.